أغـــــلــــى عشــــيقه

أخوكم من محبين الشعر الخليجي

وسأوافيكم دائما بكل مايعجبني منها وهذه أولها

بكتب بدمعن اذرفه شعر تقراه
وان ماكفاك الدمع بكتبه بالدم
قلبك يانوف ان مر عالقلب ذكراه
ترجف ضلوعي لا غدى ذكركم غم
والي خلق حبك بقلبي وسواه
ماكان يشفيني معك صار لي سم
دواء خفوقي امس هاليوم هو داه
وجروحي عيت بعد فرقاك تلتم
لو يدري قلبك عن خفوقي وماجاه
لجاء لقلبي وقال لي بالغلاء سم
ياشينها لا صار هالحب مأساه
وياشينها لاصار همك كما اليم
من كثر ماقلبي لقلبك تحراه
قسمت وقتي بين الاهات والهم
حبك ذبحني وخافقي بعدك ارداه
وحروق قلبي منك اشمها شم
قلبي يانوف الحزن بعدك تولاه
والهم من كبره في القلب هو عم
حتى الحزن بعدك انا صرت اغفاه
وصورتك في قلبي وانا اضمها ضم
اواه من حبك ووقتك وذكراه
اواه من حبن بديته ولا تم
بسئل خفوقك دام هالبعد قساه
بسئل خفوقك دامه ماعاد يرحم
بسئل خفوقك دام هالوقت نساه
متى تحس وتعرف الشوق ياعم؟

لا أروع ولا أجمل من هذه القصيدة
وبارك الله فيك على النقل المتميز
أنا الأخر أحب الشعر الخليجي
لذا وافني بكل جديدك
وإنتظر جديدي أيضاً

لكن صديقي هل يمكنني أن أطلب طلب
من هو هذا الشاعر

وتحياتي لك

IsB king

aWn
iSb

AwN

لك كل الشكر أخي على المرور

والشاعر هو ناصر القحطاني

اخي انت حقا عازف
بكلماتك الجميلة
وطريقتك المؤثرة

احييك